Sanet het gegradueer!
Vandag vier ons die inspirerende suksesverhaal van Sanet Basson, 'n voormalige Abraham Kriel-kind.
In Maart 2017 het Sanet se lewe ingrypend verander toe sy by ons ingeneem is. Min het sy geweet dat nóg ʼn groot lewensveranderende gebeurtenis op haar wag: ʼn bragiale sist. Omdat Sanet destyds nie toegang tot hulp by ʼn staatshospitaal gehad het nie nie, moes sy wag tot haar matriekjaar in 2020 voordat sy die nodige mediese sorg kon ontvang – danksy Jacaranda FM se Good Morning Angels en Operation Healing Hands.
Dít was die begin van ʼn nuwe hoofstuk in Sanet se lewe. Sy het nie net matriek met vlieënde vaandels geslaag en universiteitstoelating gekry nie. Danksy mediablootstelling het sy ook ʼn privaat beurs ontvang om verder te studeer.
Sanet het in Mei vanjaar haar onderwysgraad aan die Universiteit van Pretoria ontvang!
“Ek sal ewig dankbaar wees vir die hulp en ondersteuning wat ek by die Abraham Kriel Kinderhuis Nylstroom ontvang het. Ek is ook dankbaar vir elke persoon wat maandeliks ʼn bydrae lewer aan die kinderhuis – elke kind daar verdien net die beste.”
Jy, ons ondersteuner, het dit vir Sanet moontlik gemaak.
Jou bydrae kan nóg kinders soos sy help.